Priprema:

Najprije: bez ugora nema brujeta! Zaboravite! Stavite bilo koju ribu, ali mora doć bar 15 deki ugora. Ako nima ugora, nima brujeta! Morete ulit maslinovo uje ne znan koje domaće na svitu – ne pomaže. Provajte napravit brujet od škrpuna bez ugora i sa bar malo ugora, pa ćete vidit koja je to razlika.

E, stavite dakle kapulu, petrusimul, maslinovo uje i sve to skupa mišate na vatri i stavite samo malo konšerve. Ili, ako je pravo domaće maslinovo uje, još boje je umisto konšerve stavit malo crvene paprike.
I to se samo miša jedno 20 minuti i pomalo dodaje riba. I onda se dodaje pomalo vode i stalno se miša, miša, i onda bude gusti toć. I ja stavin samo dva, tri kumpira da zgusnu juvu. Jer nećete vi dobit zgusnuti toć drukčije, reka san van da je sva riba postala galofak. I neće van se riba raspast, možete vi kuvat i dvi ure. Ali kad ste jedanput ulili vodu, to je uliveno i – bog, nema više ulivanja. Onda se to poklopi i kuva na ful 15 minuti i onda na lagano koliko oćeš, kad vidin da mi je dovoljno toća, onda maknen i gotovo. E, to je pravi brujet!

… ah Veli Jože. Kakove je kamike taj dizal za popravit Portić….